血案前遭踢門 死者驚惶嗌搬

須辭工照顧女 夫徬徨

劉表示，案發前一晚，曾有人踢寓所大門，其妻感到驚惶不已：「好恐怖，唔想住呀，想走！」劉聞言曾向保安員反映事件，並準備搬走，但在走廊遇上疑兇時並無防備，料不到對方突然狂性大發。劉感前路茫茫，「份工做唔到啦，一日有千幾蚊，依家冇咗份工，尋日身上得四百蚊，依家得二百蚊，食飯都成問題。」他昨日曾回家打理，一聽到有拍門聲，已慌張不已，恐再有狂徒出現，直言：「唔住得啦。」

兩名女兒年紀小小，便失去母親，劉形容：「徬徨就肯定徬徨啦，心情唔會好，媽媽對佢哋都好好。」他稱讚「妻子」賢淑偉大，「做母親好偉大，對小朋友好好，做人處世都好好，自己嘅苦衷唔講，冇人好似佢咁好。」劉亦面臨教育問題，直言「唔識教」。他希望女兒可以盡快回學校讀書，莫辜負母親期望。

劉續稱，疑兇搬入上址約兩年，與他從來沒有交流，「冇可能會騷擾到人，都冇打過招呼，隔籬鄰居都好好，冇議論嘅嘢。」