佔中行動發展至今已千變萬化，好多人都唔再聽命於佔中三子同泛民主派政黨嘅指揮，尋日更爆內訌。有自稱「佔中糾察」人士嘗試拆走架設在金鐘添美道和夏慤道交界嘅鐵馬，結果被集會人士阻止，更被質疑為「無間道」，雙方爆發罵戰。搞佔中搞到進退失據嘅佔中發起人戴耀廷就急忙自拆「佔中」招牌補鑊，自此唔再有「佔中糾察」，但就整個佔中「工作人員」臂章做新識別，唔知同之前有乜分別呢？可能真係要佢呢啲學者先至明白。
