渡海濠情:賴得就賴認真失敗

台中有個男人去按摩中心幫襯,但因店內嘅技師太「豬扒」,所以揀唔落手,點知碰啱警方嚟掃黃,佢僥幸逃出,之後喺網上講風涼話,話只因自己眼角高,才幸免於難,嚟自9號會所嘅小蝶就話:「你唔好姓賴!」

非贏即輸

小蝶話:「我最憎啲男人行好運或者行衰運,都賴晒身邊嘅女伴,好似我前一任男朋友,佢就係咁嘅人。有一次賭錢佢贏大錢,就聯想起我哋前晚親熱有關,於是每有牌局前一晚,佢都要同我激戰一場。但賭錢唔係贏就輸,邊有次次都贏,佢輸咗兩次之後,就苦思點解,最後佢諗到第一次激戰時,佢有替我口舌服務,於是改番替我口舌服務希望轉運,點知一樣輸到阿媽都唔認得,於是佢話我害佢,逢喺賭錢前就唔同我親熱,果然畀佢贏番兩次,點知第三次佢又輸到開巷,你估佢點賴?佢歸咎同我同床瞓,於是佢一話第二日賭錢,我就鎖門瞓覺,連房都唔畀佢入,睇吓佢啲好運又會唔會返嚟,最後當然繼續輸啦!但呢啲乜都有得賴嘅男人真係頂唔順,決定同佢分手!」

乘虛而入

運氣好壞取決於自己,邊關另一半嘅事,你個男朋友真係攞嚟講呀!小蝶話:「其實回想讀書時,大家都有發生過類似嘅事,就係臨高考時好多人都會勸你唔好同男朋友拍拖,唔好見面,唔好煲電話粥等,話如果你唔聽話就會影響到考試成績,其實係讀書嘅料,拍唔拍拖都係考咁嘅成績,你唔係讀書嘅料,畀你閉關一年,你成績都唔會好得去邊。但最慘就係好多男同學都會信呢套,自己會匿埋喺屋企唔見女朋友,呢個時候其他唔使閉關嘅男同學,就會乘虛而入,所以一考完試就會係高中生戀人分手嘅旺季。奉勸啲年輕人咪咁迷信,做人成功失敗,與另一半同有冇拍拖係冇直接嘅關係,如果你話有影響,只係你自己本身有問題,批評別人之前,先檢討一下自己啦!」

小蝶Profile  

年齡:21歲

三圍:34-23-34

撰文:小德

攝影:阿昌