政情：八網難逃：孫德基微服巡集會區？

佔領中環行動連日佔據本港多處鬧市街道，平日車水馬龍嘅道路都變晒「行人專用區」。有讀者好眼利，尋日早上十一時許，發現打扮甚「平民」嘅審計署署長孫德基偕同一名外籍女士，沿中環友邦金融中心對開一段馬路步行向金鐘方向。根據讀者提供相片，孫德基身穿淡灰色衫、深色短褲及波鞋，身旁嘅外籍女士亦一身休閒服，手執環保袋，驟眼看與一般巿民冇分別。唔知孫德基今次係微服出巡視察佔中行動，抑或純粹路過呢？