探射燈：未定期修剪 康署種惡果

傅先生（文職）：「以前呢度風景好靚，但畀啲樹遮住晒個景，好失望。」

每年減兩成高度

「亂咁修剪，或者一次過剪得太多，會有反效果！」長春社總監蘇國賢表示，眺望處外夾雜多種不同野生樹木，修剪前必須做好評估工作，如調查樹木品種、對景觀影響程度、生長速度等，再以「樹冠縮減」法，每年減少約百分之二十的高度。胡亂修剪，有機會令樹木死亡，亦有機會令樹木啟動保護機制，以更快速度生長枝葉，得不償失。

• 呂先生（遊客）：「應該定期修剪吓啲樹木，否則浪費咗個眺望處。」

「十幾年都冇理過，一次就想剪番晒，對樹木破壞好大。」蘇批評，只要康文署定期作適量修剪，便可平衡保樹又保景，惟現時部分樹木已過分長高，須作大規模修剪，並要花兩至三年才能改善遮擋問題。