長沙灣：食肆亂丟廚餘隨時爆鼠患
「嗰邊啲餐廳成日丟垃圾出嚟條街度，又臭又惹老鼠，係咪想爆疫症先安樂？」陳太指長沙灣一帶有食肆常將垃圾棄於街上，尤以青山道與福榮街交界最嚴重，「啲舖頭為咗慳個少少清潔費，就咁就將啲垃圾丟喺街度，仲要係啲廚餘，惹晒啲烏蠅老鼠出嚟，真係好無公德心！」
食署稱巡查無發現
食物環境衞生署發言人稱，職員到該區巡查時，未發現有人將垃圾或廚餘棄於街上，且對該區衞生情況滿意，但已勸喻區內一帶食肆負責人，提醒需要注重環境衞生，切勿將垃圾或廚餘棄於街上，否則會被檢控。
陳太坦言對食環署人員查無所獲大感不滿，指該區一帶食肆胡亂棄置垃圾情況仍然嚴重，認為當局應加派人手巡查。「一次捉唔到唔代表冇人丟（垃圾），政府如果肯巡多幾次，即使捉唔到都有阻嚇作用！」