藍田：領匯龜速維修商場玻璃門
「整咗成個月都未搞掂，又唔講幾時先整完，領匯做嘢可唔可以細心啲？」藍田居民關先生常到啟田商場午膳，發現往平田邨方向的商場玻璃門維修逾月，部分居民需側身通過，不滿領匯龜速維修。
發言人指工程已完成
領匯發言人表示，涉事玻璃門於七月下旬遭惡意破壞，需作圍封，強調維修期間商場職員已貼出告示通知訪客。發言人聲稱，有關維修工程已於八月上旬完成，玻璃門現已重新投入運作。
不過，關先生踢爆領匯虛應市民，「我喺八月尾都仲見佢圍晒膠帶，又何來八月上旬搞掂？係咪維修玻璃門咁小事都要隱瞞？點解唔可以誠實啲話畀居民聽個實際情況？」關先生要求領匯增加透明度，避免損害公眾利益。