中環出更：遇師弟岑敖暉 梁美芬笠高帽
學聯尋日起一連四日喺金鐘添馬公園舉行「公民講堂」，就讀中大政治與行政學系（政政）嘅學聯副秘書長岑敖暉（Lester）近期頻頻接受多個傳媒訪問，點知佢尋日喺添馬公園附近間餐廳接受訪問時，就「巧遇」二十多年前師姊、八七年政政系畢業嘅立法會議員梁美芬。
話說美芬尋日都係喺同一間餐廳與傳媒茶敍，離開時撞到Lester，於是寒暄幾句。美芬盛讚師弟係優秀同學，話自己唔會隨便讚人，又表明會去添馬公園睇睇，仲想同Lester等學界中人交流喎。雖然Lester就係咁點頭話好，但似乎唔多受呢頂高帽。
聲言爭做司法委會主席
講番個茶敍，梁美芬呢兩年同法律界議員郭榮鏗傾唔掂數，連續兩年都要爭做立法會司法及法律事務委員會主席一職。梁美芬尋日講到明，既然係咁，今年佢會繼續爭做主席，唔知到時泛民同建制議員會唔會齊齊爭住做委員呢？
卓妮