政情：公民講場：立會訪粵團　十月難「鈺成」

特首梁振英日前宣布，希望帶領全體立法會議員喺十月底訪問廣東省，考察當地嘅基建同經濟發展，並委託估計會擔任訪粵團團長嘅立法會主席曾鈺成，就訪問嘅具體時間、行程等諮詢議員。不過，多個泛民黨派及議員已表明杯葛，以示不滿人大常委會對香港政改訂下嘅框架。曾鈺成尋日出席活動時表示，會繼續同泛民等議員溝通，但認為如果最後得好少議員去，就無謂要人哋廣東省政府勞師動眾招呼安排，不如改期好過。照咁睇，今次訪粵團都最後係無限期押後居多。