近期政府高官紛紛出來撐政改，但部分官員使用嘅形容詞就好心做壞事，繼之前教育局局長吳克儉形容政改係「大躍進」之後，運輸及房屋局局長張炳良近日接連話政改框架內容係「魔鬼在細節」。張炳良尋日接受電台訪問時話，好多泛民都對政改框架表示失望，但佢就質疑「係咪咁就任何嘢都做唔到呢？」仲話其實「魔鬼在細節中」，有好多具體嘅嘢都仲有空間值得去探討喎。雖然佢嘅意思係想話仲有好多細節可以商量，但講到「魔鬼」就予人感覺就唔多好嘞，其實就咁講細節咪得囉！
