中環出更：免費遊迪園 象哥急申報

香港迪士尼樂園間中都會邀請立法會議員到園參觀，佢哋下月有新賣點，所以最近都邀請咗議員去玩。進出口界立法會議員黃定光（象哥）早前都接受迪士尼邀請，仲同埋囝囝、新抱及三歲半嘅孫女齊齊去迪士尼玩餐飽。不過，可能受到航空公司款待議員豪遊法國風波影響，象哥去完迪士尼唔夠一個星期就急急向立法會申報利益喇。卓妮仲聽聞除咗象哥之外，仲有其他議員接受咗迪士尼款待，但暫時就未見到有其他議員申報喇。