泛民各黨本來無諗住搶羅舜泉個議席，但自從羅舜泉被廉署起訴後，各黨即時緊貼事態發展，諗住如果對方被法庭判處入獄超過三個月，有關議席就要需要補選。由於羅舜泉今次涉嫌嚴重罪行，泛民中人估計建制派在區內一定會流失大量選票，如果派人參選，可能有機會勝出。
根據泛民嘅區議會協調機制，工黨擁有呢區嘅優先權，但工黨中人仲諗緊係咪參加可能出現嘅補選，理由不外乎係幾時會有判決及贏面大唔大。不過，除咗工黨之外，據聞民主黨同公民黨都覬覦有關議席，仲頻頻追問工黨會否派人出選，如果工黨放棄，佢哋就派人搶位喎，十足非洲啲野獸爭食咁款。