立法會議員田北辰（田二少）早前倡議立法規定乘客讓座畀有需要人士，引起網民激辯，最近更進一步聯同黨內元朗區議員黃卓健拍攝題為「讓座真『恭』夫，唔好怕辛苦」嘅短片。該短片首先由黃卓健出場大耍功夫，其後有旁白先後提及捲入政治捐款醜聞嘅工黨主席李卓人及社民連主席「長毛」梁國雄，話如果叫李卓人主動讓個「位」出來就難啲，又話咪睇長毛中氣十足，原來早前因踢波整傷隻腳，亦有需要有人讓座畀佢。田二少總結話，應該把關愛座改為持證優先座，唔使令大家因為讓座問題而尷尷尬尬喎！
