屯門：肥料惹蠅患 村民以為有腐屍
臭味及蒼蠅突襲鄉村，惹腐屍疑雲！屯門大欖聯安新村於九月初突然傳出臭味，加上大量蒼蠅出現，村長陳天明一度以為村內有腐屍，「啲烏蠅多到成張飯枱都係，又成日有啲好似腐臭嘅味喺田度傳出嚟，報咗警先知係雞屎肥料搞到咁多烏蠅！」陳指警方事後將蠅患轉交食環署處理，事隔個多星期後蒼蠅數量才逐漸減少。
「啲雞屎同烏蠅都會傳播疾病，我哋嘅健康都交咗喺食環署手上，所以佢哋應該即時解決蠅患問題！」陳擔心蒼蠅會傳播疾病，要求食環署盡快解決。
食署派員噴除害劑
食物環境衞生署發言人表示，早前接獲投訴後曾派員調查，發現聯安村有農地儲存的有機肥料引致小量蒼蠅孳生，職員已勸喻農地負責人妥善處理肥料。防治蟲鼠組亦在該地點周邊公眾地方噴灑除害劑以防蠅患。及後職員覆查時，已經沒有蠅患問題。