政情：公民講場：發叔借勢利申 唔使做磨心

「三堆一爐」方案預計將於下月提交立法會財務委員會審議，環境局尋日就將修訂過嘅擴建新界西堆填區議案攞去屯門區議會闖關。身兼屯門區議會主席嘅鄉議局主席劉皇發喺會議未開始時就申報利益，因為佢名下嘅公司喺堆填區範圍有土地，為免遭人話柄而避席，於是唔使主持會議、發言表態及投票，完全置身事外，睇嚟遲吓議案上財委會審議，發叔都可能用呢招避過投票，唔使左右做人難。有口痕友就話，發叔成個新界有幾百幅土地，討論咩都可能有利益衝突，佢係咪樣樣都分得咁清楚去避席呢？如果分唔清楚，今次又係咪選擇性去避席呢？