鰂魚涌：違泊趨誇張 逼人捐車罅
「啲車主成日當呢度係露天停車場，依家仲要愈泊愈誇張，離遠睇簡直成條車龍咁！」居於鰂魚涌基利坊的陳先生指出，上址一直為違泊黑點，近日情況更變本加厲，擔心有朝一日或成安全隱患，「搞到小朋友成日要捐車罅，坐輪椅又過唔到馬路，火燭嗰陣可能連消防車都冇地方擺！」
警方屢發告票 仍無改善
警方發言人表示已知悉事件，承認在過去一年共接獲四十二宗相關投訴，期間共發出二百六十張定額罰款告票及二個口頭警告。發言人強調，為務使情況改善，並繼續於涉事地址採取管制行動。
不過，陳先生直指問題仍未改善，要求警方嚴加執法，早日糾正問題以保障市民生命，「如果已經知道有問題，就真係要確確實實落多啲去巡，唔係等到有人命傷亡，就講咩都無謂啦！」