學界罷課加上「佔領中環」行動一觸即發，一份聲稱係「香港2020/公民党（黨）英語語言組」嘅會議紀錄中文譯本尋日亦喺網上流傳，驚爆香港大學學生會會長梁麗幗建議，邀請外國留學生參與罷課甚至佔中。因為佢哋唔會受本地法律追究，仲話解放軍一旦鎮壓佔中，會「區別對待中外學生」，更聲稱壹傳媒承諾會給予資金支持。
梁麗幗承認曾建議推動留學生罷課，但就絕對冇收過壹傳媒電話，亦唔需要壹傳媒捐款喎。
另外，學運領袖電腦嘅機密資料亦成為成為黑客嘅頭號目標。中文大學學生會會長張秀賢（Tommy）尋日喺網交網站自爆，指收到「香港電臺」記者以電郵邀約訪問，好彩Tommy深感以電郵約訪問相當有可疑，所以冇打開電郵附件，否則肯定中毒，後患無窮。