政改係依家香港嘅大事，政府官員當然有責任挺身護航，好似勞工及福利局局長張建宗（小肥張）都要幫政改講好說話。小肥張話，雖然目前政改方案唔係最完美，但以最低工資爭議為例，政治需要妥協先至唔會原地踏步，呼籲大家互諒互讓尋求共識。不過，小肥張似乎未看透世事，泛民主派要求所謂真普選就好似扮演勞方開天殺價要求「時薪」十萬九千七，但政府兩年一檢最低工資，都係由二十八元微調至三十元，試問慣咗獅子開大口嘅泛民又點會肯接受「二十八元時薪」方案呢？
