政情：八網難逃：黃浩銘「校服誘惑」

學民思潮落區宣傳罷課，估唔到社民連副主席黃浩銘以「校服誘惑」迎戰搶生意。阿銘以一身陳年超緊身校服，同社民連實習生去佢母校沙田培英中學派單張，仲喺社交網站上載合照。雖然阿銘條褲褲頭係緊咗啲，但二十五歲嘅佢拍埋班學生哥度，大家年紀好似冇乜分別，連學民思潮發言人周庭都留言話阿銘後生咗好多。阿銘笑言，估唔到仲着得落七年前套校服，但強調已經離開母校多年，今次落區純粹想拉近同師弟妹嘅距離，唔代表母校立場喎！