九二二學界罷課在即，統領數以萬計教師嘅教協一直喺罷課立場上唔鮮明，直至尋日終於出聲公布罷課指引。教協會長馮偉華話，支持大專生發起全面罷課，但係中學生好多都未成年，所以唔鼓勵中學生罷課。但如果部分中學生思想夠成熟，又得到家長同意，都可以參與罷課，學校亦應該尊重。咁點樣先至叫做「成熟」？馮偉華自己都講唔出個標準，無喇喇爆出「成熟」呢個咁空泛嘅指標，真係搲晒頭。
