馬拉松式申述會 委員：好攞命
【本報訊】今次城市規劃委員會破天荒要加開四十天申述會議，聽取公眾對新界東北發展的意見，由於大部分城規會委員均為專業人士，從事如投資顧問、工程師、醫生及教授等正職，「秒秒鐘上落幾十萬」，大幅加開會議難免對原崗位造成壓力，有城規會委員形容有關申述會「好攞命」，坦言要「成三個月唔返工有壓力」，但承諾會盡量抽時間出席會議。
城規會委員雷賢達被譽為基金之父，是交銀施羅德投資管理（香港）副董事長，他表示有責任出席城規會會議，但本身也有正職，「唔係乜嘢都唔使做，大家應用合情合理嘅方式去處理」，他自言未必會出席所有四十日申述會，幸好城規會會議法定人數只為五人，當中包括主席，而城規會委員有三十多人，相信因為人數不足而流會的機會甚低。
「差唔多成個星期唔使返工」
本身是泛亞環境（國際）有限公司董事長的城規會委員劉興達承認，加開會議耗時太長，沒可能出席全部會議聽取申述，「城規會秘書處話除咗星期五例會之外，每個星期要加開至少兩至三日會議，咁即係差唔多成個星期唔使返工，要成三個月，好多委員都有困難，依家仲度緊時間，有啲工作上緊要嘅會議一定要開，無得唔去，但都希望可以盡量抽到時間去申述會議」，他又希望申述會議不要拖得太長，整個申述程序可於聖誕節或新年前完成，「如果唔係聖誕都無得放！」
城規會委員邱榮光本身是環保顧問，他坦言無可能出席全部申述會，「大家要夾吓時間，亦希望出席會議嘅團體或市民唔好拉布，因為大家嘅時間都好寶貴！」但他相信有團體會拉布，三個月的申述時間或會再延長。