葵盛東污水倒灌淹民居
公屋單位遭倒灌污水淹浸，房署處理索償大歎慢板！葵盛東邨有低層單位發生污水倒灌事件，傢俬被淹浸而報銷，住戶向房署索償多時未獲處理。當區區議員直斥房署作為業主卻未為事件即時負上責任，又指邨內污水渠屬舊式設計，容易淤塞，要求房署為邨內所有大廈更改污水渠設計，防止再有類似事件發生。
「浸嗰陣我同老婆都瞓緊覺，係我個仔咁啱出完夜街返嚟先發現成間屋浸晒！」鍾先生家住葵盛東邨盛樂樓低層單位，八月中旬凌晨發現家中六個去水口皆出現倒灌，即時通知保安員，惟近一小時始有人協助清理污水，「保安好早就上咗嚟，但等咗差唔多成個鐘先至再有人上嚟開個渠蓋去水。」
「浸到十四厘米咁高！」
經過通宵清理後，鍾先生以為事情終告一段落，惟早上十一時許竟再出現第二次倒灌，情況更為嚴重，「第一次浸都係大概五厘米，但第二次就有成十四厘米咁高！」鍾先生指家中不少傢俬遭污水淹浸而報銷，擬向房署索償，對方卻於五日後才派公證行上門，「前年（一二年）都試過一次，但係冇咁嚴重，所以都冇追究，但今次出事咗咁耐都冇人嚟，我懷疑係佢哋想遲啲嚟、減低啲痕迹。」
葵盛東邨物業服務辦事處發言人證實，事發當日凌晨接獲住戶通知，指坐廁有污水倒流，保安員於六分鐘後到達單位視察並協助清理污水，同時打開單位外的平台去水渠疏水口，技工則於早上九時到場通渠，完成通渠測試後已將疏水口關上，當時去水渠運作正常。
發言人又稱，於一個半小時後再接獲通知指污水又告湧出，需再次打開去水渠疏水口，並安排通渠車徹底清理去水渠，確保已疏通才關上疏水口及清理平台附近位置，並於同日派員向住戶了解情況，至四日後接獲住戶索償，已轉交公證行跟進，調查結果一經落實將通知住戶。
房署被指無視住戶索償
「呢度入伙已經差唔多廿年，好多渠都係舊式設計同老化咗，所以成日塞，房署係咪應該趁依家做全方位維修，一次過換晒啲渠？」當區區議員周偉雄狠批房署無視租戶損失及索償，做法不負責任。又指○九年邨內曾出現多宗污水倒灌事件，房署當時曾為受影響住戶安裝防倒流隔器，並將污水渠改設於單位外，令情況有所改善，建議房署為邨內所有大廈更改污水渠設計，減少倒灌情況。
記者：詹海萍
攝影：伍思明