的士違泊候客阻交通
「啲的士成日都喺酒店出面等客，好多時泊滿晒成個黃格仔，頂死晒成條街啲車！」駕駛人士關先生指出，尖沙咀廣東道一帶酒店林立，不少的士違例停泊以等候乘客，雖曾多次向警方反映，惟情況依然未見改善，「依家都盡可能兜路走，無謂同佢哋鬥塞。」
亂象依然 促嚴執法
警方發言人表示，去年七月至今年七月曾就廣東道違泊問題接獲七百四十宗投訴，期間發出逾二千八百二十宗定額罰款通知書。發言人同時承諾會繼續於涉事地點執行交通管制行動，以確保交通暢順及道路使用者安全。
「廣東道係尖沙咀嘅大動脈，唔可以成日畀啲的士塞住晒，警方講得出就真係要做得到至好，落手落腳去解決個問題！」關先生直指違泊亂象依然，要求警方嚴加執法，確保道路暢通無阻。