渡海濠情：美女出遊 特別矚目
最近台灣掃黃，拉咗廿個由內地嚟嘅賣淫囡囡，引起有關單位注意嘅原因，就係呢班索到啪啪聲嘅囡囡都話係嚟做醫學美容，咁樣唔查你至奇啦！嚟自帝濠桑拿嘅夢夢就話：「太靚女真係好令人注目！」
海關截查
夢夢話：「靚女出街，除咗會引起壞人嘅留意之外，有時亦會引起啲阿Sir注意，我有一次去外國旅遊，一落機就被入境處嘅阿Sir望實，我以為佢懷疑我攞住本假護照，佢翻嚟翻去，不時又望吓我，點知佢以為我係明星，問我有冇時間喺佢休息時影張相留念，真係畀佢激死，但諗落又覺得好好笑，因為有人覺得我似明星，又真係幾開心嘅，之後未完呀！辦完入境手續，諗住攞行李出機場，點知又到海關阿Sir望實我，我當時有啲火，唔通我似走私犯，點知佢真係查我，原來我當日打扮高貴，佢以為我帶咗好多貴重物品嚟，想向我溫馨提示一下，真係唔知好嬲定好笑，好彩當日係同朋友去，行程自己決定，否則跟團嘅話，畀兩個阿Sir咁樣攔一攔，足足遲咗個幾鐘至出到嚟！」
警察開路
之後仲有冇呀？夢夢話：「梗係有啦！當日去到外國，由於兩個女仔都識開車，於是我哋租車玩自駕遊，點知一開出機場停車場，我姊妹就差啲撞到兩個開電單車嘅阿Sir，我以為死梗啦！於是向佢猛講對唔住！最後佢問我哋去邊？我話我哋要入巿區某酒店，佢竟話剛好佢哋收工返入市區，我哋可以開車跟住佢哋，於是我哋就以警車開路，直駛入市區，之後兩個阿Sir仲想約我哋食飯，但我就拒絕咗佢哋，但我個姊妹夜晚竟偷偷約咗佢哋飲嘢，之後仲半夜至返嚟，睇嚟好開心咁樣，我估佢一定姣婆守唔到寡，但亦有樣好，就係之後幾日，我哋就多咗兩個保鏢同司機，而且吃喝玩樂就有人埋單，臨走嗰晚我姊妹仲通宵回報添，我問佢搞咁耐做乜？佢話要分開回報兩個人嘛！」
夢夢Profile
年齡：21歲
三圍：35-23-34
撰文：小德
攝影：阿生