貨物過界 街市路難行
食環署街市貨物阻塞行人通道，部門被斥巡查不力！「幾乎檔檔都將啲貨擺晒出通道，全部過晒黃界，嗰日一個唔留神就畀擺出嚟嘅貨絆倒，諗住同食環署職員反映，點知佢叫我自己打去總部投訴！」鄭先生經常光顧沙田街市，直指檔戶阻塞行人通道情況嚴重，不滿食環署職員態度「懶懶閒」，認為有縱容之嫌。
食署被指監管不力
食物環境衞生署發言人承認曾接獲相關投訴，派員巡查時發現有攤檔貨物造成輕微阻塞，已口頭警告有關檔戶，覆查時檔戶已將貨物搬回檔內。接獲本報轉介後，職員再派員巡查，未有發現投訴所指情況，但已警告檔戶切勿阻塞行人通道，否則會被檢控，過去兩個月，該署共提出四宗相關檢控。
「咁都叫輕微阻塞，食環署都真係好離譜！」鄭先生對食環署回覆深表不滿，要求當局加強監管檔戶，還市民一條暢通道路。