「佔領中環」尋日發起剃頭行動，寓意人大常委會就政改定下嘅框架係「無髮無天」，但四十六名剃頭者中，只有少數係泛民主派政黨成員。雖然好多泛民立法會議員在場，但就「惜髮如金」，好似有公民黨梁家傑及毛孟靜、工黨張超雄、教協葉建源等，咁多個都係得個睇字。我哋問過在場大部分議員，佢哋都話冇諗過參與剃頭。雖然剃唔剃頭係個人選擇，但由此可以觀察到，過去佢哋口口聲聲爭取民主普選、聲嘶力竭嗌參與佔中，究竟有幾大誠意喇！
