政情：八網難逃：借「陳」年舊照抗議罷課

學聯搞罷課擾擾攘攘，正當建制派頭痕點樣反罷課，愛港行動召集人陳淨心就選擇以「賣萌」抗議。陳淨心趁前晚中秋節正日同父親「做節」慶祝，喺社交網站上載「萌」爆童年照，自言細個都好曳，但好父親話佢懂事、自律，所以好放心畀佢隨意發揮個性。不過，佢痛心依家部分年輕人被「政棍」洗腦，為求目的破壞社會安寧，直呼「可悲的年輕一代！」仲引述陳父話：「你要是亂來，我就收緊你的自由度；你要是懂得自律，我也懶得管你」，似乎想借陳父家訓幫人教仔喎。