土地與生活息息相關，而種植的心態亦會隨我們的生活改變。「香港人種嘢會覺得，種死咗咪再買過囉。」阿貞坦言，不少人慨嘆自己種植的植物總是會枯萎，因港人種植的心態總是由自己出發，忽略植物的特性及需要，「有人為咗棵花靚啲，會不斷施肥同淋水，但佢哋無諗過棵植物係咪需要咁多﹗」
「內地有毒食物、新界收地問題等，都令市民開始關心番大自然，同埋留意番自己食嘅嘢係由邊度嚟！」惟阿貞相信近年本港環境轉變，令人開始想尋找一個令自己覺得舒暢、安全的地方，因此愈來愈多人選擇回歸及認識大自然，「人唔開心，其實係因為同土地嘅距離太遠。」
「其實無人可以話係種嘢種得最好，因為種嗰個，其實係個天。」阿貞坦言種植只是人類把種子放在泥土生長，土地告訴了我們，人只是地球上的一點，都離不開生老病死的周期，既然一切由天定，期望人人在遇到困難時，都可以隨遇而安。