換錶致爆喉 水署疑疏忽
「之前都好地地，點知換完水錶就爆水喉！」居於大角咀樂群街高層舊樓單位的麥先生指出，早前水務署更換大廈水錶，關閉總水掣再重開後，隨即有喉管爆裂滲水，「呢度成五十年舊樓，喉管已經好舊，經唔起水掣一開一閂嘅水壓，水務署換錶前究竟有冇衡量過喉管情況！」
水務署發言人解釋，更換水錶後無滲水，而當日有私聘水喉匠需要維修內部喉管，故按住戶要求關閉總水掣，以維修內部喉管。重開水掣便發現有內部喉管滲水，遂着水喉匠跟進。發言人續稱，由於內部供水系統由用戶負責保養和維修，已建議用戶安排維修。
「水喉匠整低層喉管，爆嗰條係高層喉管，兩條喉管根本係分開，叫水喉匠跟進咩？」麥先生質疑水務署企圖推卸責任，要水務署檢討並對事件負責。