探射燈：中暑致鼻敏感 車長逼提早退休
九巴車長因車廂熱焗而中暑的個案並不罕見。去年有退休車長在屯門公路行駛期間中暑不適，更因此引發鼻敏感。
「嗰次揸到去屯門公路，開始頭暈唔舒服，好彩頂到返總站。」剛退休的前車長陳先生指，舊款巴士冷氣系統欠佳，車長位置尤其嚴重，「啲車冷氣位通常集中喺乘客位，車長位冇咩冷氣出，好熱。」他又指，自己本身患有鼻敏感，車內欠通風設施，亦容易病發。
請病假被調揸「天地更」
原本駕駛九巴258D由藍田開往寶田的陳指，因為中暑及鼻敏感而請病假七天，其後卻遭上司無故調離固定路線，轉為在繁忙時間駕駛特別車，不時要返「天地更」，「佢安排畀我啲更加辛苦，中間啲時間好尷尬，唔知返唔返屋企好。最慘係夜晚九點先收工，第二朝要開五點幾，根本冇時間休息，最後惟有提早退休。」他稱提早退休令他損失歡送金及金牌。
九巴發言人指，根據紀錄有一名陳姓車長於本年五月以健康理由退休，惟基於私隱理由，對個別個案不作評論，強調本港勞工市場人手供應緊張，公司努力保留資深優秀員工，絕不放棄服務表現良好的員工。