綠色先鋒：攝蝶要有品有德

「因為蝴蝶四圍飛，好難影，有啲人為咗方便自己，會黐住隻蝴蝶喺葉上面慢慢影。仲會有人買蝴蝶卵，返屋企飼養幼蟲，蝴蝶破蛹後，就喺屋企set布景影。」同樣熱愛「攝蝶」的Cammy指，各種缺德行為不但會令蝴蝶受傷，更會嚴重影響蝴蝶生態。

買卵養殖放生要不得

她指，枯葉蛺蝶在港愈來愈少見，早排在大埔滘的郊區卻突然出現大量枯葉蛺蝶，原來發現有人自行購買枯葉蛺蝶卵養殖，「過咗一段時間，啲蝶又唔見晒，估計係唔適應環境死咗。唔係一個自然方法下自己養，係會破壞蝴蝶生態。如果真係愛蝴蝶，就應該愛埋大自然。」

綠色力量將在九月及十月的首個周日，在城門郊野公園賞蝶園舉辦「香港蝴蝶節」，活動包括「蝴蝶野外定向」、「蝴蝶導賞團」等，帶領市民探索本地繽紛蝴蝶世界，推廣蝴蝶保育。