渡海濠情：偷睇鹹片要付代價
美國有少年喺屋企睇鹹片，聽見老媽返嚟就立刻把遙控一關，實行瞞天過海，但佢妹妹竟多手一按遙控，A片再度播出，阿媽一氣底下報警，嚟自十八桑拿嘅小昭就話：「唔打鑊甘就算偷笑啦！」
乘機鬆人
小昭話：「我記得細個第一次睇鹹片，係喺男同學嘅屋企，當時幾男幾女話上其中一個同學屋企讀書，但讀讀吓見大人唔喺度，於是咪問屋主有啲乜嘢玩，佢話玩嘅嘢就冇，但就有正嘢睇，我起初都唔知佢哋睇鹹片，但見有啲男同學睇到眉飛色舞，仲話唔啱女仔睇，趕我哋走，我哋當然唔肯走，但佢哋話明唔可以睇睇吓大叫，我哋全部都答應，佢哋就播VCD，畫面一出，就見男女肉搏，有女同學已經掩面，但就從手指罅中繼續睇，我哋女仔個個都冇大叫，但片中嘅女仔就叫到鬼殺咁嘈，我仲問開到咁大聲有冇問題？點知男同學未及反應，大門就響起，原來佢老爸返嚟，我哋連忙關了遙控，但佢老爸早就喺門口聽見一切，於是攞起雞毛掃就狂打我個同學，我哋仲唔乘機鬆人咩！」
炒魷收場
攞咗老爸嘅珍藏嚟招呼朋友，你同學仔屁股唔開花就奇！小昭話：「到我出嚟做嘢，睇鹹片一樣畀人打呀！話說我喺寫字樓返工，我哋食午飯就會入會議室食，如果老闆唔喺度我哋仲會開部電視睇吓添，有日其中一個男同事話睇重播電視劇有乜好睇，於是攞咗張鹹碟出嚟播，有啲女同事怕醜走咗出去，有啲就唔衰得留低睇，我就係唔衰得嗰班，於是一邊食飯一邊欣賞，但條友誠意推薦呢套鹹片，並唔係特別出位或者由乜嘢大明星做，而係男主角嘅形象好似老闆，而女主角就好似老闆嘅秘書，佢一邊睇仲一邊旁述，講咗好多老闆嘅壞話，大家得啖笑，但突然房門打開，原來老闆返嚟，追住男同事嚟打，我哋仲唔雞咁腳鬆人咩！事後嗰個同事當然炒魷收場啦！所以睇鹹片真係要小心啲呀！」
小昭Profile
年齡：21歲
三圍：35-24-35
撰文：小德
攝影：阿程