人大常委會尋日就香港特首普選訂出框架後，一眾泛民議員隨即表明會投反對票，堅拒將呢個高門檻方案「袋住先」。之不過對於壹傳媒集團主席黎智英秘密提供嘅巨額捐款，泛民嘅態度就係「速速袋」、「立即袋」。其中工黨主席李卓人，更將其中五十萬元捐款「袋住先」長達九個月。社民連主席梁國雄、公民黨嘅毛孟靜同陳淑莊、以及民主黨嘅涂謹申，更涉嫌將部分捐款「唔知袋咗去邊」。希望廉政公署幫市民查清查楚喇！
