政情：慢必稱港「西藏化」 達賴懶理

我哋早前寫過，人民力量立法會議員陳志全（慢必）喺政改爭議呢個敏感時刻，竟然去咗德國，同西藏流亡精神領袖達賴喇嘛見面，但當時並唔知道佢哋究竟傾咗啲乜。慢必返港後尋日出席一個活動時透露，其實今次主要係去參加幾年一次嘅「漢藏交流會議」，順便去參與達賴主講嘅講座。佢又話去完呢次會議，先知原來香港同西藏嘅狀況好相似，包括有中共呢個共同對手，抗爭行動又被妖魔化等。不過，慢必話達賴今次只講佛法，唔提政治喎。