有機構嘅調查發現，香港人每年丟棄嘅月餅達到一百五十二萬個，但仍有好多人樂此不疲送月餅，仲有人好有心思，將自己個名印喺餅上添。屯門區議員何君堯特別訂造咗四百個月餅，送畀屯門區蝴蝶邨嘅長者，表達對長者嘅關愛。
我哋見佢上載咗一張相片喺社交網絡，原來佢今次專門搵人幫佢做咗個月餅模，每個製成嘅月餅上均刻有「君堯敬贈」四個字（圖），於啱啱過去嘅周六送出，連觀塘區嘅人都被吸引，慕名於相片下留言，問可唔可以都要一啲喎。其實月餅又甜又多油，長者都係淺嘗即止好啲。
（互聯網）
