德國哲學家黑格爾有句名言，人類最大嘅歷史教訓，就係永遠唔識吸取歷史教訓，其實都可以套用喺現時香港政治情況。四年前政改一役，好多建制派人士都叻唔切，不停跳出來批評民主黨嘅一人兩票方案唔符合基本法，結果個個建制派跟車太貼，中央突然嚟個急轉彎，成班建制派完全唔識反應。隔咗四年又到政改關鍵時刻，部分建制派似乎無吸取四年前慘痛經歷，例如港區人大代表馬逢國、王敏剛等，個個都話要獲提名委員會過半數至容許「出閘」選特首，如果今次中央又急轉彎，「傷亡」都幾慘重o架。
