政情：八網難逃：分享月餅資訊 工黨「踩過界」

中秋節就到，區議員都會忙於向街坊派月餅，其中建制派坐擁無窮資源，當然愈派愈有啦，但相對缺乏資源嘅泛民主派就只得個恨字嘞。不過，窮則變、變則通，已過檔工黨嘅立法會議員田北辰前助理趙恩來（阿loy），近日就將荃灣區內部分區議員派月餅嘅資料詳列喺宣傳海報上，不但有晒時間同地點，仲寫明有咩附帶條件，例如人民力量同工聯會都針對六十歲或以上長者，而新民黨除要用身份證登記外，仲要帶埋住址證明至得。阿loy咁搞法，莫非想借其他區議員來宣傳自己，同時又想借班街坊食窮人哋？