「電氣」誤寫「電器」 馬會錯地址
「其實條街名係因為舊時啲人叫電力做電氣，而以前呢度又有間發電廠而嚟，但依家就冇咩人知，所以成日都有人寫錯。」退休教師陳先生家住北角電氣道多年，早前發現附近有投注站誤將地址標示錯為「電器道」，更遲遲未見更正，「我收信嗰時都不時見到有人寫錯地址，但馬會咁大間機構，如果連門面都寫錯地址，真係笑死人喇！」
投注站接反映後已更正
香港賽馬會發言人回應事件時稱，經轉介後已將有關場外投注站落地玻璃地址更正為「電氣道」。
「名不正則言不順，名係唔可以寫錯嘅，況且附近又多人行過，陣間佢哋見到馬會都係咁寫，又有樣學樣咁點算？好多謝《東方》幫我反映，先可以咁快就改正。」陳先生證實有關地址已經修正，希望馬會日後加強審察，以免再出現手民之誤。