商場棚架滴水 僅收勸喻信
棚架滴水滋擾，食物及環境衞生署被指跟進不力！「個棚架至少已經喺度兩年，滴水亦都滴足咁耐，點解同食環署反映過咁多次一啲改善都冇！」陳先生經常途經馬鞍山鞍祿街，前年已發現有商場外牆搭建棚架進行工程，期間每逢落雨、或有人於上層清洗，均有大量水滴沿棚架向行人路「狂滴水」，不滿食環署未有積極跟進問題。
食署做法欠阻嚇力
食環署發言人承認今年曾接獲多宗相關投訴，曾派員巡查並發現棚架滴水，商場管理處已應職員要求派員清理，並採取改善措施，其後曾多次覆查均未有發現有滴水。發言人又指，已向商場管理處發出勸喻信，提醒負責人須採取措施，防止棚架滴水造成滋擾。
「滴足兩年都淨係出勸喻信，有冇搞錯，咁有咩阻嚇作用！」陳先生對於食環署回覆深感不滿，並指滴水情況仍然時有發生，要求當局加大力度處理問題。