3A小巴頻脫班 乘客呆等
「等咗成半個鐘都唔見有車，都唔知呢條線係咪已經取消咗？」張小姐早前在中環金融街等候3A專線小巴前往干德道，呆等多時仍未有車到站，「啲人因為冇車就逼晒去坐3號小巴，要行多兩個街口不特止，仲要等成幾班車先至上到，究竟運輸署有冇作出監察？」
運輸署發言人證實曾接獲相關投訴，並派員於繁忙時間實地調查，發現該線在指定時間內有營運，惟出現脫班情況，已去信敦促營辦商必須根據服務詳盡表提供服務。
運署要求營辦商解釋
發言人續稱，營辦商解釋脫班與司機人手短缺及沿途交通擠塞有關，但強調根據客運營業證條款，營辦商必須按當局指定路線和班次提供服務，如有違反，必須在合理時間內提交解釋及採取有效改善措施。