港鐵站出口 多小販擺賣
「日日都一檔二檔，搞到條街好似特賣場咁，唔好話行快少少都唔得，有次我個仔仲被人推到仆喺度！」家住旺角的葉太指，港鐵旺角東站A出口外不時有小販擺賣，鮮見部門執法，令情況持續多時，「隔籬就係政府合署，天子腳下都唔睇緊啲，其他地方真係可想而知！」
食署稱已每日巡邏
食環署發言人證實，過去一年共接獲十六宗有關上址無牌擺賣的投訴，期間共拘控兩名小販，以及四次檢走遺下物品。發言人強調，一直關注涉事地點的無牌擺賣問題，已派員於每日不同時段巡邏，亦有安排突擊拘控行動。
葉太對食環署執法效力大表質疑，要求檢討現有工作，以保障行人道暢通無阻。「如果每日都有人落去睇，咁點解仲係日日都成行成市？同埋點解一年淨係得兩宗檢控咁少？食環好應該反省！」