外號「廢鑊」嘅平等機會委員會主席周一嶽（周一鑊），當年做局長時頻頻爆鑊，但近期被「翻閹」走去搞平機會，一樣搞到一鑊泡。皆因佢最近大刀闊斧檢討歧視條例，不但探討性別、懷孕及婚姻狀況，就連新移民及丁權問題都搞埋，辣着多個火頭。周一鑊尋日就有關檢討舉行首場諮詢會，結果成為炮灰，不但被狠批「僭建法例」、「無嘢搵嘢嚟搞」，有人更高呼「周一嶽食屎啦！」咁啱尋日係農曆七月十四鬼節，周一鑊反而搞到生人都不得安寧，真係早啲落台好過喇！
