政情：港鐵阿叔鬧足慢必三個站
人民力量立法會議員陳志全（慢必）前年當選後「出櫃」承認是同性戀者，成為各界焦點。尋日凌晨時分佢喺社交網站上載一段四十五秒嘅短片，片中顯示慢必乘搭港鐵前往筲箕灣站時，被一名戴眼鏡嘅中年男子用手機拍攝，多次高呼「玩咩呀，Ｘ基佬，浪費納稅人嘅錢呀你」，又話佢「有咩嘢叻？」喺立法會「大聲叫」，揚言「唔驚你」，五至六次話慢必「玩吖嘛」，最後更爆粗稱「嘥X氣」。
慢必話：「這個阿叔鬧我X基佬鬧了三個地鐵站，一定要拍低做教材。這算不算性傾向歧視？」有網民稱呢類鬧人行為係「人類文明的最低點」，更有網民上載港鐵附例，質疑該人喺港鐵講粗口，或會被罰款。
