政情：公民講場：肥佬黎李漢奸 頻面談避洩密

自首批政治獻金密件曝光後，其中兩名醜聞中的主角壹傳媒黎智英（肥佬黎）同民主黨創黨主席李柱銘（李漢奸）即頻頻密會，疑似商討點樣為今次醜聞拆彈。例如大前日兩人就一齊上咗遊艇，喺海上密會長達七個幾鐘。到尋日肥佬黎又專程上咗李漢奸位於金鐘嘅律師樓，但今次逗留咗幾分鐘就離開，估計喺去擺低或者拎走某啲機密資料。咁又係嘅，肥佬黎與多名泛民人士嘅電郵或手機通訊接連畀人揭露，兩人有乜唔見得光嘅奸計同資料，最好都係面對面傾或親手交接，好似時光倒流返番去冇電腦、冇電話嘅時代咁。