政情：今日你上鏡：林健鋒：睇東網知地震！

最近正值立法會暑假休會期，據聞唔少立法會議員同政界中人都去咗日本東京、大阪、京都等地充電，撞啱日本關西嘅京都同大阪前晚凌晨發生四級地震，要了解當地第一手資料，最好就係搵身在當地嘅港人打聽，商界議員林健鋒（Jeffrey）接受查詢時證實當時正喺大阪玩緊，之不過佢當時完全感受唔到地震發生，而且市面無乜緊張氣氛，自爆全靠睇「on.cc東網」即時國際新聞嘅消息，先知大阪一度發生地震喎。「on.cc東網」嘅消息有幾及時同不受地域界限限制，身在日本嘅Jeffrey應該最切身感受嘞！