北角：商戶霸街 行人逼出馬路
「成條街啲舖頭都當正條行人路係自己舖頭，好似領正牌、無王管咁！」北角居民張小姐每日皆會行經春秧街，指商戶不時在街上擺放貨物，情況更日益嚴重，令行人經常被迫走出馬路，「依家好多時仲直情放到出馬路，要焗住行出馬路中心，有幾次仲爭啲畀電車撞到！」
過去一年遭投訴逾550次
食環署發言人證實，過往一年共接獲五百五十多宗有關涉事地址店舖阻街投訴，並就此提出五百八十多宗檢控，當中包括七十九次拘控及四十五次檢走貨物，除此之外，亦參與五十九次跨部門聯合行動。
不過，張小姐坦言仍對食環署的回應大表不滿，「點解咁多人投訴過、又檢控咗咁多次，情況依然冇改善？會唔會係罰得嗰一千幾百啲舖頭唔會驚？」張小姐建議食環署早日着手研究加重罰則，以收阻嚇作用，從而保障行人路暢通無阻。