燈箱爛半年未整 隨時漏電傷人
「年頭打去紅磡警署話有燈箱爛咗，佢哋明明話會跟進，點知成半年都未有人整，真係離譜！」陳先生經常於紅磡鐵路巴士站候車，今年一月底發現巴士站有燈箱疑被撞擊而傾側，底部更電線外露，由於近日雨季來臨，擔心有漏電危險。
市民促加強巡查
路政署發言人指出，有關燈箱並非由該署負責維修保養，已轉介港鐵跟進。警方發言人則稱，紅磡分區警署過去未有接獲有關投訴，又強調十分關注事件，接獲轉介後立即派員調查，發現損毀的燈箱位於港鐵管理範圍，遂即聯絡港鐵跟進，對方接報後亦已將燈箱修妥。
陳先生批評部門未有及時發現問題及跟進維修，要求檢討並多加巡查，「點解呢啲嘢要由市民去留意，負責巡視同埋維修嘅部門點解唔負責跟進？」