政情：公民講場：查單始轉帳 有人「黑食黑」？

政治獻金機密檔案顯示，工黨主席李卓人（阿人）喺最近兩年前後收咗壹傳媒黎智英（肥佬黎）合共一百五十萬元，阿人事後辯稱有關款項係捐畀工黨嘅，佢只係代為收取，不涉個人利益，因此唔使向立法會申報。不過，當立法會議員個人利益監察委員會決定介入調查，並要求涉事泛民議員提供相關單據作證後，阿人立即「鬼拍後尾枕」，自爆佢之前僅將當中一百萬元轉帳畀工黨，其餘五十萬元，一直存放喺佢私人戶口長達九個月，到呢兩日先至轉埋畀個黨。事件令人質疑有人「黑食黑」，瞞住所屬政黨私吞肥佬黎部分「黑金」捐款。