香港律師會會長林新強（Ambrose）上月因為評論一國兩制白皮書而引起爭議，仲搞到部分律師會會員聯署向佢提出不信任動議，而律師會就不信任動議舉行嘅特別會員大會會在下月中召開。距離特別會員大會差唔多半個月，律師會上星期就下月十四號舉行嘅特別會員大會發咗封信畀會員，引述英國政壇智庫嘅意見，疑似係撐Ambrose嘅觀點。
封信就提及英國政壇智庫Chatham House發表嘅意見，內容話佢哋嘅意見其實同律師會嘅係一致喎，仲要引述智庫資深顧問人員Tim Summers畀傳媒嘅信件，指白皮書嘅中文版同英文版喺翻譯上有誤，似乎係為Ambrose解畫喎。
不過，值得一提嘅係，早前「民主阿婆」前政務司司長陳方安生同「李漢奸」民主黨創黨主席李柱銘去英國「唱衰」香港，當時呢個智庫亦都有發表文章質疑兩人嘅講法。