雜物屋養鼠擾鄰 房署袖手不理
公屋爆發鼠患，房屋署竟視而不見！葵涌葵興邨有住戶在單位內堆放大量雜物，未幾更變成「老鼠竇」，鼠隻更幾乎每夜潛入鄰戶覓食，受影響居民擔心幼兒及長者健康備受威脅。房署接獲反映後卻以「單位已售」為由拒為租戶提供協助。區議會狠批房署身為屋邨大業主，卻無視租戶安全，要求房署盡快跟進事件，並督促管理公司杜絕鼠患。
葵興邨租戶何先生去年初為人父，喜氣盈門之際，卻在家首次發現老鼠蹤影，「最初見到啲老鼠好似乒乓波咁大，時不時都係捐入我屋企，點知近幾個禮拜發現啲老鼠大隻咗好多，仲唔止幾隻！」經多番觀察後，何發現鼠隻從鄰居家中竄出，懷疑與該單位積存大量雜物有關，「啲老鼠一到半夜就會喺佢屋企捐出嚟搵食，有時仲會爬埋入其他人屋企！」何先生談及鼠蹤更直言「毛管都戙晒」！
鄰居恐播菌 幼女送外家住
「我屋企仲有個七十幾歲嘅阿媽同十個月大嘅女，最擔心係啲老鼠唔知會帶啲咩菌嚟！」何因愛女心切，早前已將女兒送往外母家中暫住，並曾多次向房屋署反映，惟情況並無改善，最終只能自備「老鼠膠」捕鼠。記者亦曾於凌晨時分到場視察，目睹有鼠隻多次從涉事單位廚房竄出，附近不少住戶已在鐵閘底部加置鐵絲網，防止鼠隻爬入。
香港殺蟲協會公關主任蔡炳然直指雜物屋環境適合老鼠生長，「老鼠嘅繁殖力好強，懷孕期只係二十五日，如果好食好住一年就可以生八百至一千隻！」蔡又指以「老鼠膠」對抗治標不治本，應針對源頭滅絕鼠患，「啲老鼠專蝦啲活動能力低嘅人，會咬小朋友，加上老鼠周圍捐坑渠，會傳播細菌，所以要盡快清理源頭。」
老戶主難清理 求食署代勞
房署發言人指屋邨為已出售屋邨，涉事單位已售予業主，故個案已轉交管理公司跟進。有關管理公司證實涉事單位內堆放大量雜物，衞生情況欠佳，由於單位為私人物業，已建議住戶清理，惟因兩名長者住戶表示無力清理，管理公司已向食環署尋求協助，經多次探訪及游說，住戶已承諾於八月中旬讓食環署清潔。
「有啲單位賣咗，但都有未賣，房署唔可能冇角色！而且間屋堆咗咁多雜物，萬一火燭咁點算？」當區區議員梁志成認為房署責無旁貸，亦已跟食環署多番溝通，倘戶主願意可協助清理。梁又建議當局可參考「沙士」期間措施，若情況嚴重影響衞生，可考慮向法庭申請進入單位內清潔。
記者：詹海萍、阮佩君
攝影：徐少琴